依家已經踏入左秋天，天氣逐漸轉涼，係咪覺得需要一個暖笠笠既慰藉呢？快啲躲係「大樹睡袋」入面啦，成個人都俾張被包住，又保暖又療癒啊！
出售好多日本生活小物既雜貨品牌YOU+MORE!，2016年推出左「炸蝦睡袋」，身體好似裹著麵衣、雙腳仲有紅色羊毛腳套，令人變身成巨大炸蝦，仲有爆笑視覺效果同保暖性，掀起熱潮。
2018年又推出左「大樹睡袋」，睡袋分成兩部分，綠色樹冠部分放入枕頭，令訓覺更舒適，面積都大到蓋過胸口，令雙手都可以保暖。身體部分就係啡色樹幹，下面仲有拉鍊可以選擇俾對腳伸出黎透氣。
仲會附贈「樹枝」卡片，官網說明係俾你著左之後拎住影相。長寬180 x 58公分，一般身形既男女都可以輕鬆躲入去。
鍾意植物既人，仲可以買埋「大根抱枕」，長115公分，可以令你上半身有緊密既依靠，即使係單身，都可以有溫暖既陪伴！
Tags: homita新鮮事
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
