女士們為咗減肥，可以話係無所不用其極。小編特意上網搜尋咗一下減肥餐單，發現唔少餐單當中所標明嘅食物攝取份量極少，絕對係地獄級別呀！其實採用極端嘅餐單唔單只對身體唔好，更加係令復胖嘅機會大增，分分鐘仲肥過之前！

想瘦身又唔使咁偏激嘅。今日小編就同大家分享一個可以令大家喺短短一星期內瘦6斤嘅健康餐單，包你可以食得飽又成功減磅。呢份餐單源自內地女星譚維維，成份食譜強調多蛋白質多膳食纖維少碳水少油少鹽。當然，亦都要配合每日進行適量嘅運動，就可以健康地瘦落嚟啦。

早上九點前，早餐：
一份水果（兩種）
一份蔬菜沙拉（唔少於6種蔬菜）
一個白水煮雞蛋
一份全麥麵包
一份五穀雜糧粥+葡萄乾（隔天以一份燕麥牛奶粥+葡萄乾作替換）

中午一點前，午餐：
主食盡量選擇粗糧（一條玉米、一個薯仔或者半個紅薯，如果係米飯的話，份量就唔可以超過一個拳頭）
一份蔬菜（4-6種蔬菜）
一份豆腐（或者豆類食品）

下午茶：一份堅果

晚上六點前，晚餐：
一大份蔬菜
一大份豆腐或者豆類食品

喺採用呢份餐單嘅時候，有幾點要注意
1. 減脂期無主食
2. 有飢餓感時，就要進行補充，可以食用一份酸奶或者一隻香蕉。
3. 每日都要進行營養補給，建議食用綜合維生素1粒，深海魚油2粒，維骨力1粒