雖然拍拖遇到啲唔開心嘅事總係在所難免，不過有３種情人類型最好見到就調頭走，免得自己傷心！因為同呢種人一齊只會累積更多負面情緒，變得越來越唔開心同煩惱，如果你既對象屬於以下其中一種，就真係要好好考量一下喇！

＃情緒化

被情緒主導既人往往都好感性，而且完全無路捉亦唔知佢想點！同呢種做朋友已經辛苦，做情侶應該超難頂。同佢地拍拖就好似有個計時炸彈係身邊，唔知幾時無啦啦就會爆炸，甚至忽然間黑面唔理你，仲要唔話你地點解，因為連佢地都唔知點解要發脾氣！好喇，嬲完就扮無事，不過呢種喜怒無常嘅情緒絕對會令你好大壓力，因為唔知幾時唔小心就會踩中地雷！最後連你自己情緒都被牽引。

＃耍廢

無論男女，都應該要有自己嘅工作，但如果對方只係一隻大懶蟲，好食懶飛仲要唔搵工，日日就宅係屋企打機煲劇出去玩，呢種人真係唔好同佢拍拖！代表佢毫無上進心，無論係人生前景定感情前景都係一樣黑媽媽，睇唔清。拍拖本應令彼此進步，千奇唔好搵一種只會耍廢嘅人虛度光陰。

＃媽寶

媽寶一字係源自台灣，但係一個港孩又點可以照顧好自己同照顧身邊人呢？同媽寶一齊，要扮演住媽媽嘅角色，對佢無微不至嘅照顧同呵護！仲有一個問題就係，媽寶嘅人通常都無咩主見，有乜事都要問媽媽先！