台灣係香港人最鐘意去玩嘅城市之一,佢嘅早餐你又食咗幾多? 以下小編為大家整理在地人平時食開嘅早餐,唔好次次去都食西式早餐啦,黎台灣就要食美味嘅台式早餐,真係好好食啊!
#台北
飯糰加荷包蛋,其他地方嘅飯糰都係加滷蛋,只有台北嘅飯糰係長形加荷包蛋。
豆漿油條,永和豆漿係經典,現炸嘅油炸鬼浸入現磨豆漿,好吸引啊!
蔥蛋燒餅,烤到微酥焦香嘅芝麻香燒餅夾住煎蔥蛋,配上豆漿真係無得頂!
#台中花蓮
粉漿蛋餅,其實全台灣都食得到蛋餅,但花蓮嘅餅類比較軟糯有彈性,好特別。
#台中彰化
控肉飯配湯聽上去好似好肥,但台中嘅控肉飯將肥肉同瘦肉嘅比例控制得好好,肥肉不膩、瘦肉不柴,大家有機會一定要試下!
炸過再滷嘅連骨豬扒,就甘聽到都知好食,不過一朝食甘重口味,真的好嗎?
滷豬腳一朝就比你爆炸多骨膠原。
#台南
肉粿加湯又得,就甘加醬油膏食又得,入面仲有包蛋,據講呢個係隱藏版嘅早餐。
牛肉湯,新鮮牛肉淋上熱湯,係老一輩台南人普遍會選擇嘅早餐。
豆菜麵,係一種豬油拌豆芽菜嘅麵,要朝早去街市先有得食。
下次去台灣可以試下食下當地人愛食嘅早餐,更加有旅行嘅感覺啊!
Tags: Homita去旅行
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like