Fashion Walk 年度盛事 – Halloween Styloween 踏入第 5 年，繼化身巨型蛇魔嘅 Medusa、破格童話人物 Twisted Fairy Tales、五米巨型骷髏木偶後， 今年 Fashion Walk 將聯同「Zombie Walk 喪 Z 行」，與您「型行」、「喪玩」兼籌款，繼續為潮人帶嚟不一樣嘅萬聖節體驗！

「Zombie Walk 喪 Z 行」一直致力推動護眼訊息，今年佢地首度來港，與 Fashion Walk 合辦「Halloween Styloween Zombie Walk 2018」，為國際防盲 救盲組織「奧比斯」籌款，等香港人加入至型「喪 Z」行列！

由 10 月 1 日起「Halloween Styloween Zombie Walk 2018」會為城中潮人準備無數狂歡節目，包括「奪目‧驚心魔幻佈置」、「潮魔亂舞奪目巡遊」、「闇黑迷宮」、「Halloween Styloween 潮玩變裝派對」、「潮幻魅影化妝比賽」、「Styloween 型遊萬聖節工作坊」及「Beer & Wine Walk」等，打造潮人不能錯過嘅最具話題性萬聖節派對！

「喪 Z 行」香港首度舉辦 全城最瘋狂嘅萬聖節街頭定向慈善賽香港人對電子產品「愛不釋手」，長遠會引致乾眼症、視力模糊及肩頸疲勞等問題，更有可能誘發嚴重眼疾，變成「喪 Z 一族」！

演藝人協會秘書長余安安小姐 5 年前於澳門創立「Zombie Walk 喪 Z 行」，推廣護眼訊息，過去「喪 Z 行」嘅參加者都會花盡心思打扮，今年首度來港聯同 Fashion Walk 於 10 月 26 日舉辦香港「喪 Z 行」，一眾潮人化身時尚「喪 Z」兵團型玩破格街頭定向挑戰，盡情投入城中獨有嘅潮流變裝派對，誓要以慈善力量締造一個別具意義嘅Halloween Styloween！

「喪 Z 行」中嘅「喪 Z」需要接受街頭挑戰，大會今年會以全新嘅街頭定向冒險為主，除咗喺指定時間內搜索位於 Fashion Walk 加寧街、百德新街、京士頓街等嘅 checkpoints，挑戰盲人體驗遊戲，更要逃離恐怖怪異嘅「闇黑迷宮」，感受失去光明所帶嚟超乎想像嘅恐懼！

每位參加嘅「喪 Z」均可獲得限量版選手包，完成挑戰更可得到獎牌為勝利留念。活動籌得嘅善款將捐予國際防盲救盲組織香港奧比斯。如果無高超化妝技巧嘅話都唔緊要，大會將提供現場化妝服務，為你精心打造切合大會主題嘅型格嘩鬼造型，等呢個城中獨有嘅時尚鬼魅派對火熱升溫！