台灣係唔少香港人嘅第二個家鄉,每次放長假期都好想好想去台灣玩,Hea下都好嘛!炎炎夏日最想就係去水上樂園暢玩一番,消下暑。講起台灣,除咗去台北之外,一定要去埋其他方,就好似台中咁,都係小編其中一個最喜愛嘅地點!今次一於同大家去麗寶樂園玩下,真係大到玩兩日都玩唔曬架。
未入樂園之前係門口打下卡先,五顏六色嘅外牆拼埋一齊,絕對係打卡聖場~
勇者係邊到?夠膽嘅你一定要挑戰下搶球地心喇,係全球唯一一個斷軌雲霄飛車,總高度有39米,真係轉到頭都暈埋~
係麗寶樂園仲有全台最大嘅密室逃脫體驗,謄大心細嘅朋友仔一定要黎解迷!而且仲有三大情景,九大主題比你揀添~一齊嚟挑戰腦力極限!
一齊同朋友仔搭夢幻繽紛皇冠鞦韆,飛向夢想世界~
360度高空翻轉,聽到都覺得刺激,而且仲唔知會點樣轉!向前向後?估佢唔到架~
臨走前記得玩埋旋轉木馬,呢個係小編最鐘意玩呢個!係夜晚坐旋轉木馬,配上燈光,好似入左童話世界~
玩完一日,最緊要係去坐埋摩天輪!為完美嘅一日做結束~
點解麗寶樂園要分兩日玩?因為仲有水上樂園!係馬拉灣就可以體驗唔同類型嘅水上遊戲,一個字——爽!大家記得帶定泳衣、泳帽喇~
門票:單日票券(NT900/成人)、水陸全票(NT1300/成人)
交通指南:http://www.lihpaoresort.com/LihpaolandApp/Miscellaneous/TrafficInfo
Tags: Homita去旅行
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like