想維持戀情，咁就當然要成為對方心目中嘅一百分情人啦，聽落好似好難咁，但只要記住呢四個法則，就人人可以成為模範伴侶啦！
#百分百信任
真係想同對方走完人生下半場嘅話，信任就好重要啦。個信字望落就簡單容易，但做落就知道唔係件簡單事！所以，想成為一個好戀人，就要學識信任對方。一嚟可減低自己嘅不安感，，二嚟亦可以避免因猜忌而做出傷害雙方感情嘅事。
#顧及對方感受
單身嘅時候就固然係由，但戀愛後你就唔再係一個人啦，唔可以再想做就做。一個稱職嘅戀人凡事都要顧及對方嘅感受，咁樣做並唔係逼自己改變去遷就對方，只是唔想對方會覺得唔快樂先至唔咁樣做。
#唔亂發脾氣
作為女生，都會知道自己嘅情緒有時候係會飄忽不定，隨時會睇對方不順眼。發脾氣並唔係問題，但你要記住對方唔係奉旨接受你嘅脾氣咖。無啦啦發脾氣會令對方會覺得你難捉摸，而且難以溝通，令感情被破壞。所以一定要好好控制自己嘅情緒呀。
#愛屋及鳥
模範女友唔只要對男友好，仲要識得對對方嘅家人同朋友好。呢個絕對係大大嘅加分位，而且會俾人一種你識得照顧人地嘅印象，代表你係一個好適合一同組織家庭嘅人，隨時會加快對方與你結婚嘅想法。
Tags: Homita私房話
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
