唔知大家會唔會好似小編咁貪方便乜都上網買呢?但其實好多時上網買野尤其是係尺碼上都幾令人頭痕，野買錯Size要退換都幾唔方便，尤其是係鞋同內衣，小編都唔知浪費咗幾多金錢係買錯貨上面啊T^T

今次小編就想同大家推薦幾間網上內衣店，佢地嘅尺碼齊全之餘，只要你好好咁跟指示度身就唔會買錯Size，仲比出去買更多款添！

#BRACODE
BRACODE簡直係港女之光！2個90後女仔係度咗3.5萬個Bra之後成立咗自己嘅數據庫，大家係買Bra之前可以先完成胸型測試，佢會自動配對出最啱你嘅內衣。

大家可以揀就甘答問卷或者度身(會更準)，小編就好建議大家度身啊！會更了解自己身型架！

佢亦都會問你現時著內衣嘅狀況，會根據你嘅回答話你知你有冇戴錯內衣。

完成之後佢就會為你配對合適嘅內衣，好有多唔同嘅款式，而且都會自動幫你推薦尺碼呢！

#Planets.hk
呢間係小編最初發現嘅香港網上內衣專賣店，款式多，尺碼齊，免運費，不過就無配碼服務，不過性價比超晒班，只要好好地同客服溝通好就唔怕買錯，仲有調整形內衣賣添！

呢間內衣店經常有折扣活動，價錢真係好吸引。

購物嘅流程好透明化，仲有短訊通知，有好多付款方法，大家都可以揀唔同嘅收貨方式。

同樣佢都有好多成功好評嘅例子。

暫時呢間見到嘅內衣種類係最多，不過小編自己就冇買過，目測質量是不錯的。

#HoneyBra
上次介紹泳衣嘅時候小編都介紹過呢間IG SHOP，店主多年經驗只要跟住佢方法度就會買到合適嘅BRA，小編都係度回購再回購呢!


佢成日都會Update IG，有好多唔同嘅款式，小編成日都睇到一唔小心又入貨。

佢嘅功能款內衣都梳對無咁大媽，仲有出好多少女嘅顏色呢！

店主間唔中都會出Post同大家講一下大家適合戴點樣嘅胸圍，大家都可以Whatsapp店主傾下自己嘅煩惱。

#奶糖派
呢間淘寶店係內地好多人買，一開始專為大胸而設，同樣都係需要度身答問題，唔止尺碼，佢仲會話你知你嘅胸型有咩需要。



小編覺得最貼心嘅係佢會分胸型，因為唔同嘅胸型就算一樣Size都會有唔同嘅需求。



佢嘅內衣多數都會做唔同杯型，大家可以依據自己嘅胸型去揀選。



如果你有內地Wechat，都可以係wechat保留數據，下次買就更方便。

其實只要你有好好咁度身，好好地同客服溝通就可以大大減低買錯BRA嘅風險，下次買內衣都可以考慮一下上網買啊！