以前小編去旅行就以方便為主,為咗可以最大程度地買更多戰利品同可以爭取時間,行李入面真係有幾簡便得幾簡便。但最近IG上見到越黎越多旅行美照,大家都開始打扮得美美美咁去旅行了,去旅行要著得比平時更靚先可以影到美照,今日就同大家分析下大家會著乜去旅行,為大家下個行程做足準備。
#渡假風連衣裙
仙氣飄飄嘅連身裙一定係旅行必備,走係異國風嘅路上風一吹,IG 打卡相完美達成。
#色彩鮮艷衣著
想做相片嘅主角可以由衣著嘅顏色入手,搵個空礦啲嘅背景隨便一拍就好有旅行嘅感覺。
#闊腿褲
好多旅行地方都有Dresscode,尤其入寺廟等地方更加要好好收埋大家嘅美腿,幾年大熱嘅闊腿褲除咗著得舒服,亦都可以營造一種渡假嘅氣氛。
#好看的泳裝
小編好多朋友都係,係本地著泳衣好似著底衫咁,絕對要加多條褲或者加多件衫係面,但出國旅行就可以大方著Bikini,女孩們,自信地穿上你的泳衣吧!
#簡單的牛仔短褲
去旅行方便性真全好重要,想方便出行又顧及美麗,牛仔短褲絕對係青春之選,簡單易襯SHOW長腿,你就係IG Chill神。
其實去旅行最緊要就係開心,打卡配上發自內心嘅笑容,最靚就係你啦!
Tags: Homita去旅行
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like