每個小朋友細個嘅時候,總會遇到一個叫「我的志願」嘅問題。以前最鐘意就係睇漫畫,甚至幻想過自己成為漫畫家,每日好熱血咁創作唔同作品,偏偏畫功就停留係小學畫火柴人嘅階段。其實自從離開中學嘅VA 堂之後,已經好耐冇畫畫,不過近期流行Art Jamming,小編即管試下喇!
Art Jamming最早係源於美國,參與者只要騰出兩三個小時嘅時間,專注自由地進行藝術創作就可以!而且L'B3 Workshop 仲提供唔同主題繪畫工作坊,無論係水彩畫定塑膠彩都可以滿足你,而且呢到提供所需畫具,簡直超方便!。
呢個畫室真係充滿藝術氣息架,一入到去已經有好多幅作品掛係牆上、如果小編畫畫都可以好似佢地咁靚、咁有技巧就好喇!小編幫大家問咗一個最多人關心嘅問題,就係唔識畫畫可唔可以玩Art Jamming?答案係無問題,因為導師會逐步指導你,如果有興趣仲可以上畫畫課程,慢慢打好基礎,自然可以發揮同創作自己獨一無二既創意作品!
平時畫畫都係畫布或者畫紙上,點都無諗過可以畫係一塊木板上面,呢個諗法超創新呀,同佢個名一樣咁「木」不暇呀!小編發現呢到唔少作品都係動物有關,如果你都好鐘意小動物又或者有養毛孩,絕對要嚟呢到畫一幅畫俾主人喇~
其實Art Jamming都幾適合香港人,每個香港人都生活係壓力同忙碌之下,生活節奏急促,但係繪畫可以令人放慢腳步,俾個機會自己停低休息一下。何況畫畫係種宣洩自己,表達自己嘅最好方式。係暑期完之前,唔好又行街睇戲食飯喇,不如試去同朋友玩Art Jamming。
詳情:
L'b3 Workshop
Facebook: @L'b3 Workshop
Instagram: lb3workshop
地址:觀塘開源道62號駱駝漆大廈