不經不覺8月又過咗一個星期，大家有冇係陽光底下揮霍青春呢？夏日炎炎最好就係去海灘Chill返一夏，唔想同人撞泳衣？今次小編就同大家整理咗幾間IG Shop，咁就唔怕同人撞啦！
#HoneyBra.s
其實佢係一間內衣店，做咗好耐了，最新轉咗Account入埋泳衣同Supplement，小編今年夏天入手嘅第一作泳衣就係喺呢間店買架啦！店主仲好好傾添，大家同佢買野之餘仲可以同佢傾計架！
推薦款式:
#Honeybra純色雙肩帶bikini
小編都有回圖比佢架，呢款真係好集中，仲有好多唔同Pattern同顏色，上下身仲可以揀唔同顏色添！佢號稱同美胸神器Voda Swim有得比，而且大胸非常友好，100分！
#Honeybra深V前帶bikini
同一個品牌，前面嘅飾帶令視覺上更集中，仲有好多顏色可以揀，而且好多Size，無論大小胸都可以入手。 小編仲自己偷偷地查過佢嘅泳衣其實同係台灣買個價錢其實相差不遠，真係唔知店主點搵錢T^T
佢其實有自己嘅網站，一開始小編係比佢嘅編織包吸引，後來發現佢嘅泳衣都好特別，而且價錢唔算貴，雖然款式唔算多，但件件都好有特色。
推薦款式:
One Shoulder Bikini - Pink & White HK$288.00
Havana Lace Crochet Bikini PriceHK$288.00
#beaute.land
呢間同樣都係內衣店，其實佢係葵廣有分店，可以上去試Size，仲有隻好qq嘅貓貓店長！小編就係比下面呢一款超性感泳衣吸引咗入ig，店主不時都分享貓主子日常，好有愛啊！
推薦款式:
呢款真係太性感！仲要係配高腰褲可以包住肚肚！不過有另一半嘅女仔可以要得到另一半批准先可以著出街啦，真係令人噴血地性感。
保守嘅姐妹們係度都搵到靚款，而且呢款泳衣好修飾身材，唔同身型嘅女仔都可以Carry得好好。
大多數IG shop嘅價錢都比商場大牌平好多，不過就有唔合身嘅風險。其實大多做得起嘅IG shop店主都好Nice，買呢啲貼身衣物嘅時候記住要好好同店主溝通，咁先可以買到最合心意嘅產品。
