領導全球嘅頂級干邑品牌 Hennessy 軒呢詩自創立以嚟一直以細膩香醇嘅干邑深受一眾干邑鑑賞家嘅賞識。除咗釀製優質嘅干邑之外,軒尼詩亦精於以干邑調配多款唔同嘅雞尾酒,至今已經創製出141 款適合四季唔同時份品嚐嘅雞尾酒。
今個仲夏,軒尼詩受日落入夜時分時金澄醉人嘅美景所啟發,以「Owning the Sunset」為題,將於多家酒吧同餐廳推出兩款全新仲夏雞尾酒「Hennessy Sunset Lime」及「Hennessy Sunset Ginger」,更邀請咗冠軍調酒師 Samuel Kwok 與 SKYE ROOFBAR & DINNING 首席調酒師 Endy 以「Owning the Sunset」為題,調製出兩款特色雞尾酒,以醇香清新嘅美酒為你抺去一整日嘅辛勞,等你同摯友可以盡情享受日落黃昏後嘅美好時光。
為歡樂時光而生嘅「Hennessy V.S.O.P Sunset」雞尾酒將於指定嘅酒吧同餐廳限定供應,為確保客人能享受到最完整嘅體驗,軒尼詩創製出完整嘅侍酒程序,由調酒步驟到雞尾酒被送到容人手上嘅過程都有特定嘅程序。除此之外,軒尼詩亦同調酒師緊密聯繫,鼓勵調酒師研發屬於自己獨一無二嘅Hennessy Sunset Cocktails,務精益求精。
「Hennessy Sunset Lime」雞尾酒以鮮榨嘅青檸汁為醇香嘅干邑添上清新酸甜嘅觸感,冰鎮有氣水嘅氣泡微微喺味蕾上跳動,為美麗嘅仲夏日落時光添注醉人嘅氣息。細味品嚐金澄黃昏過後係與摯友靜謐享受晚餐嘅時刻。
左: Sunset Ginger ; 右:Hennessy Sunset Lime
「Hennessy Sunset Ginger」雞尾酒以辛辣嘅生薑,薑汁汽水同味道強烈而獨特嘅香菜碰撞濃烈醇香嘅干邑,味道帶濃厚果香,香料與藥草味嘅苦精更為「Hennessy Sunset Ginger」帶嚟深層次嘅味道,以及與別不同嘅味覺體驗。
Sunset Ginger
Samuel 將西瓜汁嘅清新,石榴酒嘅香甜,檸檬汁嘅酸澀,混和咗苦橙嘅印度香料茶及帶有微微氣泡嘅芬達橙汁,巧妙地融入軒尼詩 V.S.O.P 嘅醇香之中。每種味道嘅份量經細心設計,完美地將各種看似互不相搭嘅味道經碰撞出呢款帶有令人意想唔到嘅平衡韻味,名為「Sunset Delight」嘅雞尾酒。
Samuel更喺活動上即席進行調酒表演,將日落時份最美嘅一刻呈現喺一眾嘉賓眼前,而「Sunset Delight」亦將會喺今個夏天於Quinary酒吧推出,伴隨大家度過每一個仲夏夕陽。
Sunset Delight
而SKYE ROOFBAR & DINNING 首席調酒師 Endy 亦不遑多讓,同樣以軒尼詩V.S.O.P 精心調製出「SKYE’s Exclusive Hennessy V.S.O.P Sunset」雞尾酒,呢杯以清澈純和嘅干邑作基調嘅雞尾酒加入咗帶有仲夏果香嘅檸檬汁同紅莓果蓉,味道介乎於breakfast martini 同French martini之間,曖昧嘅味道令人迷醉。呢杯紫紅色調嘅雞尾酒,仿如將夕陽西下前嘅醉人一刻永久保留。
Hennessy V.S.O.P Sunset
「Hennessy Sunset Lime」 及「Hennessy Sunset Ginger」於銅鑼灣柏寧酒店SKYE ROOFBAR & DINNING內率先供應,而「SKYE’s Exclusive Hennessy V.S.O.P Sunset」則於銅鑼灣柏寧酒店SKYE ROOFBAR & DINNING入獨家供應。
詳情:
柏寧酒店香港鑼灣告士打道310號27樓 SKYE ROOFBAR & DINNING
售價: $150/杯
推廣期: 即日起
查詣電話: 28393327






