炎炎盛夏正好來一口冰涼嘅甜點，嚟到蜜瓜當造嘅季節，美心西餅特意嚴選時令美國新鮮優質蜜瓜，粒粒果肉甜蜜水漾加上清涼口感，帶嚟清新感覺。配合餅師們嘅巧手工藝打造清新脫俗嘅全新透綠蜜瓜蛋糕系列，等大家可以再次品嘗到屬於夏天嘅蜜瓜盛宴，令你忘卻悶熱天氣。

透綠蜜瓜蛋糕系列選用時令美國香郁爽甜蜜瓜，等你細意享受當季獨有嘅好滋味！小清新造型配上清澈通透綠色色調，散發住夏日氣色，最適合同摯愛、親朋好友一齊品嚐。

透綠蜜瓜蛋糕 原價：$208 (6吋 約1.7磅)

蜜瓜蛋糕上鋪滿粒粒新鮮果肉，爽脆藍莓同涼透心嘅蜜瓜啫喱，散發出淡淡水果甜香。一刀切下，鬆軟嘅海綿蛋糕內藏蜜瓜果肉啫喱，加上輕甜不膩嘅蜜瓜軟芝士忌廉夾心。蛋糕大小啱啱好可以同家人分享，一次過品嚐多重口感，等味蕾享受非一般嘅清香動人滋味，一試傾心。

透綠蜜瓜迷你蛋糕 原價：$128 （4.5吋 約0.6磅）

別出心裁嘅餅師巧妙地用上如絲般幼滑嘅忌廉配上爽甜清香嘅時令美國蜜瓜及爽脆藍莓，造出精緻簡約嘅透綠蜜瓜迷你蛋糕。外貌簡約清新但內藏豐富層次洋溢盛夏嘅氣息，最適合與數位摰親享受片刻清新，品嚐不一樣嘅清新角度！

透綠蜜瓜法國杏仁脆蛋糕 原價：$198（5.3吋 約1.4磅）

透綠蜜瓜法國杏仁脆蛋糕由美國爽甜蜜瓜果肉及粒粒新鮮藍莓作點綴，由晶瑩剔透嘅蜜瓜啫喱包裹著新鮮水果打造而成，滲透出陣陣清雅透心嘅感覺。一口咬下去，多層次嘅內餡融化喺口內。

蜜瓜味蛋糕加上蜜瓜慕絲同清爽不膩嘅啫喱，底層再以伴隨法國醇香嘅白朱古力杏仁脆製造，每一口都縈繞清新果香甜蜜，營造出多重口感。清新微甜嘅蜜瓜蛋糕同時散發朱古力與杏仁香氣，得到雙重味覺享受，絕對為今夏添上清甜美味嘅口感體驗。

仲夏鮮果蜜瓜蛋糕　原價：$268（8吋 約2.3磅）

仲夏派對又點可以俾蜜瓜一支獨秀？透綠蜜瓜蛋糕系列仲推出2.3磅嘅仲夏鮮果蜜瓜蛋糕，粒粒新鮮誘人嘅果肉鋪滿蛋糕面層，爽甜蜜瓜果肉圍著草莓、藍莓及蜜桃，極似水果夏日派對。蛋糕內層間奏著軟滑嘅蜜瓜慕絲、蜜瓜軟芝士忌廉夾心及蜜瓜海綿蛋糕，等你可以喺派對與摯友盡嚐甜蜜水果帶嚟嘅清涼。

透綠蜜瓜甜品

美心西餅嘅透綠蜜瓜盛宴仲包括透綠蜜瓜撻、切餅及甜品杯，為味蕾於炎炎夏日增添絲絲涼意。交織嘅蜜瓜及天鵝絨般嘅絲滑忌廉，可以為你送上多重口感，啖啖充滿驚喜。喺繁忙嘅生活節奏中，帶嚟多款非凡嘅蜜瓜體驗，一次嘗盡多款滋味，享受片刻悠閒嘅午後時光！