又嚟到夏天啦，大家諗好喺呢個旅遊旺季要去邊玩未呀？好多人去旅行嘅時候都會以購物嘅行程為主，成日都留喺旅遊地嘅都市同當地人一齊喺街上面逼。一於等我推介一個好地方俾大家，等你地唔好淨係留喺市區玩，一齊嚟親親大自然啦！

唔少人會覺得大自然嚟嚟去去都係啲花草樹木，好似有啲悶咁。不過你地唔洗擔心，今次呢個地方係有動物可以同你地進行互動咖，無論係大人定細路都一定會玩得好開心。

位於新竹縣關西鎮嘅「關西六福莊 生態度假旅館」係亞洲第一座生態度假旅館 ，當中利用咗自然生態同埋草食性動物做景觀設計。

飯店內打造161間可容納2~6人仿非洲狩獵風格嘅客房，客房擁有大片觀景落地窗，可以睇到各式非洲放養草食性動物如：長頸鹿、白犀牛、斑馬、北非髯羊、環尾狐猴及蘇卡達陸龜等多種動物，等所有住客可以零距離同動物親密共處。

住喺不同嘅客房會見到會因應位置而見到唔同動物，所以喺訂房之前要考慮下人數同最想喺窗外見到咩動物而決定訂邊一間呀！

適逢夏季，飯店就推出咗各種限定活動俾大家玩。蘇卡達象龜刷背體驗係每年六月至九月嘅限定活動，喺過程中活動人員會講解蘇卡達象龜嘅生態與習性，同埋俾機會參加者觀察同學習判別象龜嘅年齡。當然就唔少得刷背環節啦！參加者可以舀水輕輕淋喺龜殼上，攞起毛刷清理汙泥。

而七月七日至八月九日都可以參與勇闖侏羅紀嘅活動，參與者可以一同前進最有趣、最具臨場感嘅恐龍世界，深入火山堆、探索史前時代，上一堂電影裏面學唔到嘅考古課。

飯店希望營造一個令住客可以與動物一同呼吸嘅環境，並藉由互動、解說、教育去培養人們對自然嘅尊重之心，以及學習愛護生態，同時也實踐綠色環保概念飯店嘅理想。

想要有一個不一樣嘅假期的話，呢個地方就係一個唔錯嘅選擇啦！

想知道關西六福莊嘅更多詳情或訂房嘅話，請瀏覽以下網址:
http://www.leofooresort.com.tw