小編覺得拍拖最sweets嘅時光莫過於係一齊計劃下一次旅程嘅時候，就好似大家應承咗彼此未來嘅路都會陪住對方行咁。去旅行可以共度美好時光，一齊遊歷唔同地方，感覺好溫馨同甜蜜！不過旅行總係會發生啲意外，就係「嘈交」啦，例如男朋友成日催你走、啲相影極都唔岩心意。一齊睇下你男朋友陪你旅行有冇做以下幾件事～如果有做到一半以上就最好啦！
#拎重野
去旅行唔掃一堆戰利品返屋企真係對唔住自己！無論對方係咪大隻仔都好，男仔幫女人拎野都係應有嘅風度，而且幫另一半拎住戰利品，等佢輕鬆愉快咁Shopping，心情都靚啲！
#影相
去旅行唔止要買野，仲要打卡影靚相留念，男仔梗係要自動自覺幫女朋友影相同埋一齊自拍合照！你可以唔係攝影大師，不過最好唔好影到張張相out focus 同影到好樣衰喇～
#陪食野
好...買完野、影完相，跟住就係要食美食喇。不過女仔通常胃口比較細，加上又要keep fit 保持身型，呢個時候男仔就要出動幫手清野食啦！
#幫排隊
女仔最鐘意就係行藥妝店同買衫，但呢個地方通常都會超多人，而且埋單嘅隊仲係超長添！如果呢個時候男仔可以幫手排隊，就可以慳返好多時間喇！
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
