國泰航空嘅機艙雜誌由七月一日起，新增咗兩款由Florence T及俊文珠寶設計嘅首飾 ── Trevi頸鍊及Lacrima耳環，俾乘客選購。兩款首飾均以18k金、施華洛世奇水晶及淡水珍珠製作而成，並於10月前喺國泰航空獨家發售。
Florence Tsai係全港首位被國泰航空邀請合作嘅珠寶設計師，今次推出嘅兩款新首飾都係由佢親自設計，佢期望藉住自家設計嘅珠寶帶領佩帶者進入地球嘅另一端，感受珠寶背後嘅故事。
Trevi頸鍊嘅設計靈感源自世界知名嘅羅馬特雷維噴泉。三顆淡藍色嘅水晶輕垂於鎖骨之上，象徵三個向特雷維噴泉許下嘅願望。
另一方面，Lacrima耳環特意採用顏色對比度高嘅水晶，象徵海洋珍寶，同時以其飄搖特性寓意將光同生命力帶到經典珠寶當中。
兩款新首飾集高貴優雅及型格時尚於一身，可以幫你輕易襯搭每一種造型風格！
Tags: homita新鮮事
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
