小編成日都同大家介紹深圳玩樂好地方，唔係叫大家食野就係打卡，但其實小編內心都住咗個文青恩恩，今日就同大家去羅湖美術館，呢度舉行咗首屆深圳藝術雙年展，雖然場地唔算好大但都幾多野睇架！

呢個展覽係免費入場嘅，小編係星期日下晝去，人都唔算好多，所以都不失為一個免費又人少嘅好地方。不過黎之前要注意呱度係唔可以大聲講野同衣衫不整，如果唔係就唔可以入場。

其實呢度都有唔少打卡嘅地方。一入展覽館就會見到韓國藝術家韓友衡作品《晾衣架》，佢

展示咗佢係深圳蒐集嘅一堆衫，用聲光電形式加以展現，通過“晾衫”呢個行為，展示本土居民傳統生活狀態同外來生活方式之間嘅衝突與碰撞。

唔又或者呢個方力鈞嘅2個作品，小編見到好多女仔都會係度打卡，分開睇係2個藝術品，夾埋一齊睇搖身一變成為打卡熱點！地上一枝枝金屬就好似一株株花色花朵一樣，形成一片花海，真係幾靚架！

除咗影相，今次展覽都有唔少互動性嘅藝術品。

沈丕基，《古老的感遇》，尺寸可變，古琴碎片、行為視頻、蠔殼，影像裝置，2018

黎自深圳嘅沈丕基以蠔殼(諧音好客)為材料做作品，鼓勵大家可以以身上嘅任何物品同佢交換蠔殼，你都可以參與係佢嘅創作之中，既反映到深圳漁村歷史，亦都表達深圳作為一個移民城市嘅開放性。

艾恩，《錘骨 聲場》，尺寸可變，裝置，2017

德國藝術家艾恩親自赴深圳考察，由建築工地同工廠收集工人因地制宜現場製作，一個個唔標準嘅鎚仔，將佢地製作成如編鐘一般詩意而精密嘅裝置，好有德國人嘅感覺，輕輕一推，現場就會湊出一曲勞動者之歌。係度都可以影到光影工業風嘅美照架！

梁美萍，《香港製造》，尺寸可變，200張油畫的版本、視頻，裝置，2006-2018

今次都有香港藝術家參展，梁美萍還原展示咗佢係深圳大芬村學畫嘅過程，大大小小嘅作品共有200張，全部都係以香港特色為主題，感覺好親切。

2018首屆深圳藝術雙年展

展覽地址：深圳市羅湖區南極路6號羅湖美術館

展覽時間：5月11日 -  7月29日10：00-17：00（逢週一閉館）

展覽費用：免費入場