隨住五月離去，六月到來，父親節即將來臨啦。大家準備好禮物未呢？未諗好要送咩嘅話都唔洗咁心急住，我相信你可以係Luminox 腕錶系列當中揾到一份能夠對父親表達到敬重同愛意嘅完美禮物。

每個父親都獨一無二，而且有唔同嘅興趣喜好以及個人風格，而Luminox 腕錶系列就集合咗堅固耐用嘅元素，同時具備唔同嘅系列，等你地可以為父親們挑選出獨特嘅時尚風格。每款腕錶都具備品牌專利嘅Luminox Light Technology（LLT）照明系統，高夜視度令用家係黑暗中都可以清楚讀錶，唔會受缺少光源所限制。另外，Luminox仲提供咗唔同嘅錶帶俾大家去選擇，相信可以迎合唔同男士嘅風格。

Land 系列中嘅最新款 Atacama Field Automatic 1900 系列嘅設計上運用咗復古風格，令呢款腕錶望落去嘅簡約又時尚。呢個腕錶系列仲具有防水同防震性能，所以佢除咗可以用於日常造型之外，亦好適合係戶外進行極端運動嘅時候配戴。無論你嘅父親係室內派定係室外派，都係好啱戴呢一款腕錶咖。

品牌其中一個最受歡迎嘅系列就係 Leatherback SEA Turtle啦。呢個系列造型時尚，設計上係以稀有嘅棱皮龜作為靈感，外型就係模仿海龜標誌性嘅外殼而成。系列亦好似海龜一樣擁有堅固耐力同深潛能力。除此之外，呢個系列加入咗全新嘅錶帶設計同擁有優良嘅規格改進，令腕錶嘅性能可以更上一層樓，父親們即使有再高嘅要求都一定可以滿足到。

Navy SEAL 3580 係由品牌最熱賣嘅 Navy SEAL 系列中伸延出嚟嘅，具備計時元素。系列特別在於引入咗幾項升級功能去針對嚴峻環境。如果你嘅父親喜愛探險，又或者係熱愛戶外活動嘅話，呢款腕錶就一定好適合佢啦。系列仲有多種耐用嘅錶帶材料可供選擇，包括橡膠及北約風格嘅錶帶，咁你就一定可以為父親挑選一隻展現到佢個性嘅腕錶啦。

不得不提嘅仲有 Master Carbon SEAL 系列，佢係成個 SEAL 系列入面最優良輕巧嘅腕錶，而且堅固耐用。由於呢個系列運用咗高科技嘅碳複合物料 CARBONOX+™，所以防刮錶殼比鈦輕三倍之餘，仲極堅固耐用。防水深度達到300米，可以承受深海嘅水壓。如果父親愛好水上活動又或者係深潛運動嘅話，呢個系列就啱哂佢啦。

上面幾款腕錶不乏時尚元素，仲可以適應嚴峻環境。戶外活動又好日常外出都好，Luminox腕錶系列都會可以滿足到用家嘅需要。所以大家把握時間，趁父親節嚟到之前為爸爸揀返隻腕錶啦！