髮型對一個人既形象真係好重要,對於髮量比較少既朋友,髮型就更加講求技術,唔想日日都以扁塌塌既髮型示人?睇下下面既小TIPS幫唔幫到你啦!
Photo via MedGurus.org
#瀏海
唔理你係髮線太高、額頭唔好睇定係純粹想增加髮量,瀏海都可以幫到伙你。一黎可以增加視覺上頭髮既比例,黎仲超級減齡,包掌臉你值得擁有。
Photo via weheartit
空氣感瀏海唔洗多講大家都知有幾減齡,令人以為你係故意打薄,唔會覺得你本身少頭髮。
Photo via gameapps.hk
瀏海增加左頭髮係面上既份量,令到塊面睇落更加細。
#髮型
唔理你係髮際線過高定係整體髮量偏少都可以以換髮型來解決,例如減輕頭髮重量,令頭髮睇落比較蓬鬆;又或者以捲髮造出空氣感,視覺上增加髮量。頭髮蓬鬆先會顯得臉細,如果可以,不妨試下短既捲髮,包你變左第二個人。
Photo via wodip.com
空氣感短髮,成個頭型變圓,仲好易打理!
Photo via kpopstuff
長卷髮一直都係增加髮量既神技之一,無論大卷小卷都對增加份量感有奇效,總有一款岩你。
Photo via Preload
微卷短髮簡直係神器,滿滿既髮量,仲好有仙氣!
如果想紮起頭髮,可以參考以下影片「出貓」,利用髮夾增加髮量。
如果想編髮,就要學下拉鬆頭髮啦!
#均衡飲食
Photo via internationalhealth
海藻、紫菜有助頭髮生長,另外維他命A同C亦都係生髮必須品,所以可以食多D甘荀、木瓜、橙等各種蔬果;而含有含有銅、鐵質既食物可以幫助頊合成頭髮既黑色素;蛋白質呢就可以令到髮質強韌不易折斷。總結就係要均衡飲食啦!
#先用護髮素
Photo via The Huffington Post
係頭髮毛躁既時候,可以係洗頭水之前先用護髮素,可以避免扯斷頭髮。而且星級髮型師Philip B講過,先護髮後洗髮,可以洗出乾淨蓬鬆既秀髮!
#偏方
Photo via Vida Lucida
薑水洗頭: 將20-30片生薑加清水煲滾至水變深黃色,過戶後之後用薑水洗頭,最好多按摩頭皮,大概一星期2-3次,可以控制脫髮。
Photo via Your Stylish Life
粗鹽:放一匙粗鹽係水溶解後用黎洗頭,之後再過一次水,連續3日後可以檢查有無效果。如果有可以幾個月後再洗,洗到你覺得滿意為止。
Photo via YouTube@Beautyklove
洗米水:洗米水放過夜發酵之後黎洗頭,可以令你有烏黑柔順既秀髮。(但小編覺得會有味道,真係要用既真心要過多幾次水)
Photo via jzjdm.com
黑豆+何首烏+黑芝麻:煲黎飲又我,用黎磨成糊仔食都可以,唔止生髮、仲補腎。(有人話何首烏放多啲放果更好)
唔知你地仲有冇其他方法?可以留言話俾小編知,等小編加埋上去同大家分享下!