FOREVERMARK 四大季節鑽飾趨勢

熱 Trends | by Coco | 5 years ago

大家有無戴開鑽飾嘅習慣呢?無論有定無，今日都一齊追上潮流步伐，嚟睇下FOREVERMARK公佈嘅2018年四大季節嘅鑽飾趨勢啦！

我地嚟睇下春夏趨勢先。
1.粉紅力量 (Think Pink)
呢款鑽飾有女性賦權同自我認識嘅意義。佢係造型上面用咗玫瑰金製嘅鑲座，上面配有火彩閃爍的嘅美鑽。玫瑰金色充滿咗時尚感覺，可以配合唔同嘅飾品進行混合配搭，呢個設計係想鼓勵女性創造自我造型，表現出各自獨特嘅一面。象徵幸福綿延嘅Forevermark Endlea系列鑽飾就為呢個系列加入咗新嘅力量，陪你跨越人生不同階段嘅重要時刻。

2. 奇妙花園 (Gardens of Wonders)

春夏又點少得花呢？林林總總嘅花卉圖案設計相信可以滿足到唔同女士嘅品味。花園主題同鑽石飾品可以相映成襯，因為兩者同樣有住生生不息嘅特點，而且充滿活力。另外，花園同鑽石都展示到大自然嘅魅力。係繁花盛開嘅季節戴住呢款鑽飾出街就襯到絕啦。

咁秋冬季又應該戴啲咩款式呢？

1. 玩味形狀( Game of shapes)
呢款鑽飾用咗簡單嘅線條同對比形態做設計，再利用鑲嵌設計表現出美鑽嘅閃耀。鋪鑲線條同方形鑲爪，都令單顆閃亮式切割圓鑽顯得清脆利落。另外，鋪鑲的閃亮式切割圓鑽被切割成唔同形狀嘅美鑽圍繞，呈現咗不同組合帶嚟嘅非凡魅力。

2.穿越時空 (Time Capsule)
呢款鑽飾參照古老的輝煌時代嘅美學，例如古希臘神廟嘅支柱、古羅馬酒壺嘅曲線，再融入了Forevermark美鑽嘅精工鑲篏中。係古代嘅美學當中注入現代氣息嘅設計，不但保存咗歷史氣息，亦為飾品增添一份韻味。Forevermark Encordia擁愛系列單顆美鑽戒指受「愛之結」啟發而成，盡顯希臘神話浪漫嘅一面。