终於可以确认夏天既来临，而今年就开始流行「初恋风」既穿搭，但「初恋」style即系咩呢？初恋俾大家感觉都系非常小清新，甜美甜蜜又带点青涩，就似电影入面既情节　，女女主角一头柔顺既黑发，加些被风微微掀起既裙摆，回头嫣然一笑既画面。而每个人对「初恋」都总系有著特别既回忆同情感，一齐睇下点先可以穿出「初恋风」啦！

#棉质白裙

白裙绝对系每个女仔餐入面既必备item，最能凸显出女仔乾净纯洁既气质，即刻好感度加十分！而且白色可以俾人一种纯洁清纯既感觉，不经意间就可以吸引男仔既目光啦！加上白裙既简简单单既设计，清爽大方又不失青春韵味。

#学院风百褶裙

大部份百褶裙都系A字版型既设计，可以显得腿部线条更加迷人同修长，同时亦可以遮patpat位同大腿，百褶裙再搭配一件简单既白衬衫或者T-shirt，青春活泼感即刻出黎！

#吊带裙

吊带裙可以将好看既锁骨同肩臂线条展现出黎，带有一点小性感，但亦唔会太over，加上吊带裙著起来亦会觉得加倍清凉舒爽，初恋风满满除左单著吊带裙，亦可以配搭其他单品，各种T-shrit，衬衫亦可以，仲有唔同感觉添！

#背带裙

一讲起背带裙，相信大家都可以联想到青春时期既校园时光，绝对系「初恋风」满满，可爱又俏皮既item！