6月一到就热到好似火炉　，所以今日小编想同大家去愉景湾，坐冷气船搭巴士都可以畅游各个景点，系沙滩玩水之馀仲有沙上游乐场，吹住海风玩千秋，璁气全消。

系中环搭船过愉景湾，大约半个钟就到，我地首先去愉景湾北边先，所以要系圆形广场後面搭巴士去愉景湾北。

系总站落车，穿过愉景北商场就系心锁长廊，一个个心心入面扣住一对对爱侣情话，好浪漫啊！

晒完之後就梗系要入室内凉返一下，系愉景湾北商场有几间食肆，间间都好吸引架！小编就黎呢间墨西哥餐厅，有兴趣记住留意我地介绍。

抖完冷气就向愉景湾酒店行，呢度有著名三角型教堂，打卡一流啊！好多人系度影完相就走，但其实沿海边行落去，会有好大个公园，大家可以系度野餐、玩游戏。公园另一边系人造景观，有人工湖、湖中走道、仲有人做小沁瀑布，系度影相真系好靓！

然後我地就可以出返大路等巴士落沙滩，大白湾系一个人工沙滩，由海南岛运来的优质细沙建成，总长约四百米。系度最吸引就梗系　沙滩游乐场，呢度有滑梯、摇摇板、平衡圆板、绳网秋千、转转圈等等，除小朋友开心，好多人都会黎对住个海玩千秋，顺手打返个卡，劲Chill啊！呢度仲设有冲身设施及更衣室，沙滩旁边都有简单冲身设备，玩完水换衫都好方便。

难易度∶★

郊游唔一定系行山，去离岛睇下海玩下水都系一个低难度选择。

打卡度∶★★★★

好似置身外国一样，教堂同沙滩都系打卡圣地。

设施完善度∶★★★★★

愉景湾设施可谓所有离岛中最完善之一。

愉景湾真系好有异国感，睇得出　地管理团队用心。大家去放松之馀记住要好好保护　地，唔好乱抛垃圾啊！去郊外地方记住做足防蚊同防晒措施、要适时保充水份，　先玩得尽兴。今次郊游习作系　多，我地下次见啦，byebye！