夏日炎炎，户外活动好易中璁，所以今次我地想同大家去大帽山梧桐寨睇瀑布，路线唔算长，沿途有唔少林荫，最主要系瀑布同瀑布之间间距唔算长，每个瀑布都可以抖下凉，消下璁。梧桐寨瀑布被誉为「香港四大自然奇景」之一，共有四条主要瀑布，由下至上起为井底瀑、中瀑、主瀑及散发瀑。今日我地就同大家行去头三个瀑布，路程唔算长，但都要体力。

首先大家可以系搭64K巴士系梧桐寨落车，向车尾行几步就会见到路口行入梧桐寨村。沿路经过公厕、凉亭，之後就会见到村屋。呢度已经见到好多指示牌，有政府整，更加多系有心人手笔。

好快我地就见到万德苑牌扁，行多几步就到万德苑，旁边有条小径，行入去就见到地图啦！由呢度开始我地就要不断上落落，而且中途　补给同洗手间，万德苑有水同汽水卖，如果　带水记住买返枝啦！

开始上山路其实唔算难行，都几多林荫，就算天气热都唔算好辛苦。大约20分钟後我地就见到井底瀑指示牌，大家记住要睇清楚指示牌，因为呢度系分经瀑布同唔经瀑布往大帽山，第一个分岔向下行就会见到井底瀑。

井底瀑系四条主要瀑布入面最细一个，属於二层瀑布，大约5米高。不过呢度环境清幽，三面都系树，一束阳光经瀑布顶散落地面，好似仙侠电影场面。

行原路上去向中瀑前进，行10分钟左右就到，呢度水流比井底瀑大，系瀑布底有好多大石，坐系大石上休息都可以感觉到水气扑系身上，非常解璁！老实讲，如果平时　行山习惯，其实黎到呢度Hea返一个下昼都唔错，因为接落黎就系考验体力时候啦！

离开中瀑，开始我地体力大挑战，唔单止系因为要上上落落，更加因为呢度有唔少　栏杆楼梯，有时向上望都唔系好见到前路，石级时大时细，好考验大家脚骨力。行大约30分钟左右就见到前方又有一个无指示小瀑布，大家都可以前去休息。如果唔去小瀑布都可以再上，行多一阵就会见到香港最高瀑布主瀑啦！

主瀑高达30米，又窄又长，鬼斧神工。不枉费大家身水身汗行上黎，凉风带住水气打在身上，抬头就系倾泻瀑布，今次我地就以呢度为终点，休息一下就沿路折返。

其实系主瀑之上15分钟路程就系散发瀑，上去路段要上斜攀爬，散发瀑比起前三个瀑布睇落更有仙气，有一种柔美感觉，大家有时间同体力都可以上去玩。

难易度∶★★★

後段比较废力，其馀都唔算难行，有好多地方可以抖凉休息。

打卡度∶★★★★

香港四大自然奇景名不虚传，有一种仙侠电影感觉。

设施完善度∶★★

起点洗手间，万德苑有补及，行入去都有好多指示牌，只系路面比较崎岖。

因为我地今次系原路走，所以你点样上自己就会预计到你点样落山，记住量力而行，最後提提大家行山要准备充足；最紧要系爱惜香港大自然，自己垃圾自己带走啊！今次郊游习作系　多，我地下次见啦！ByeBye！