今次郊游习作想同大家去行髻山，呢条都系一个非常短又易行路线，一个钟内就可以行完。髻山，又名丫髻山，座落於香港元朗区横洲北面，高度海拔121米，分隔元朗工业园及天水围新市镇。今次我地由天水围天慈路出发登上髻山，山势虽然唔高，但视野非常良好，可以远眺尖鼻咀名南生围一带鱼塘。

首先系西铁天水围站E1出口出发，沿天福路一直行，对面见到天慈花园再平行过马路就到达今次起点。由天慈路转入虾尾新村路，经过朗天停车场继续向前行，再行会见到2条分岔路，2次都转左就岩啦！

系度会见到个铁丝网围住路，直入行过对面就得啦。之後正式进入山路，呢度超多芒草同其他植物，仲见到唔少野花，大家最好著长裤以免刮花苹脚啦！

话甘快就上到顶啦，呢度风景一望无际，山仔细细，但360度风景一览无遗，唔怪之得成为晨运热门地，东面睇到工业村好似积木　，南面就见到元朗西铁架空路，西面就睇到天水围新市镇景色，北面睇到鱼塘及对岸风景，行少少路就睇到　多风景，真系好抵啊！

系山顶附近，有唔少人为设施比大家休息，睇得出呢度好受乡里爱戴，仲有人系度种花、作画，令短短路线更多看点。不过提提大家，呢度唔少风水地，介意朋友就唔建议上去啦，都请上山朋友多加尊重。

沿路落山，注意一开始落山路都几多砂石，同有一定斜度，最好著有抓地力鞋或者拎支行山竹辅助下，注意安全，慢慢条路会越黎越好行，好快就出返元朗盛屋村，大家可以搭74号小巴或者K68巴士离开。

难易度∶

只有落山时候要注意一下，路线大多平缓好行，不过最好著长裤行山鞋，拎返行山竹就最安全！

打卡度∶

360度风景一览无遗，东南西北各有特色。

设施完善度∶

超多休息位，都系行山人士自己放系度。不过厕所、指示欠俸，上山前好去定洗手间啦。

最後提提大家行山要准备充足，量力而行；最紧要系爱惜香港大自然，自己垃圾自己带走啊！今次郊游习作系　多，想睇片就记住帮订阅我地YouTube Channel啦！我地下次见啦！拜拜！